कळंब/जयनारायण दरक
जमिनीचे खरेदीखत करुन दस्त नोंदणी करुन देण्यासाठी १० हजार रुपयांची लाच घेताना वाशी येथील दुय्यम निबंधक कार्यालयातील लिपिकास धाराशिवच्या लाचलुचपत प्रतिबंध विभाग पथकाने रंगेहात पकडून गुन्हा दाखल केला आहे.
संजय भीमराव गडकर, वय-51 वर्षे, धंदा-नोकरी, पद-कनिष्ठ लिपीक प्रभारी दुय्यम निबंधक, दुय्यम निबंधक कार्यालय, वाशी, जिल्हा-धाराशीव. ( वर्ग-3).असे या लाचखोर कर्मचाऱ्याचे नाव आहे.
यातील तक्रारदार हे वकिल असुन ते बॅांड रायटर म्हणुन काम करतात. तक्रारदार यांचे अशील यांचे कडकनाथवाडी, तालुका वाशी येथील 02 ठिकाणच्या जमिनीचे खरेदीखत करुन दस्त नोंदणी करुन देण्यासाठी आलोसे संजय भीमराव गडकर, वय-51 वर्षे, धंदा-नोकरी, पद-कनिष्ठ लिपीक प्रभारी दुय्यम निबंधक, दुय्यम निबंधक कार्यालय, वाशी, जिल्हा-धाराशीव याने तक्रारदार यांच्याकडे पंचांसमक्ष 02 दस्तचे प्रत्येकी 5000/- रुपये प्रमाणे एकुण 10,000/- रुपये लाचेची मागणी करून 10,000/- रु. लाच रक्कम स्वतः स्वीकारली असता आलोसे यास ताब्यात घेण्यात आले असुन पोलीस स्टेशन वाशी, येथे गुन्हा दाखल करण्याची प्रक्रिया चालु आहे.
